CEBU, Philippines – Pormal nang tapuson ang enrollment sa nagkadaiyang publikong mga tunghaan sa elementarya ug high school sa dakbayan sa Sugbo ugmang adlawa.
Si Cebu City Schools Division Superintendent Lorna Rances sa dihang nahinabi sa Banat News miingon nga kadtong mga tinun-an nga dili ma-enroll hangtod ugmang adlawa, mahimo pa gihapon nga magpalista sa sunod semana.
Partikular na niini ang mga tinun-an nga mo- grade 1 ug niadtong mag-first year high school atol sa pagbukas sa klase karong Lunes.
Apan giklaro ni Rances nga ang mga late enrollees adto na magpalista sa City Schools Division ug dili na sa mga tunghaan.
“Kung dunay ma-late ari na sila pa-enroll sa division kay magsugod na man ang klase, madisturbo ang mga maestra ana kung naay musulod,” sumala ni Rances. - Elly Bolonos (BANAT NEWS)