CEBU, Philippines – Patay nang nakit-an ang usa ka katabang sa karenderya nga gikatahong naghikog human buwagi sa iyang uyab sa Poblacion lungsod sa Tabuelan kagahapon sa alas 6:00 sa buntag.
Ang nakit-ang patay mao si Gabriel Eslao, 18, lumad nga taga Matugawe Putat, Tuburan ug helper sa kan-anan diha sa maong dapit.
Matud pa ni SPO1 Amelito Alcala sa Tabuelan Police dihang nahinabi sa Banat News ang agalon ni Eslao nga si Roy Olivo maoy nakadiskubre kaniya nga nagbitay na sa ilang kan-anan.
Dunay higot nga habol nga gilubid sa liog niini ug gidali unta pagtabang ang biktima apan patay na kini. - Darrel Carumba (BANAT NEWS)