CEBU, Philippines – Patay ang usa ka mahuyang human kini malagpot dihang gisumbag ug nalagpot sa dalan diin kini naligsan sa tow truck sa City Traffic Operation Management pasado alas 5 kagahapon sa buntag sa MJ Cuenco Avenue barangay Mabolo.
Ang drayber sa tow truck nailhan nga si Marski Pajardo,31, Villa Bulsita, sa Bulacao-Pardo samtang ang iyang nadasmagan wala pa nailhi hangtud ning pagbalita.
Matud pa ni Traffic Enforcer Manuel Tagaan ang biktima dunay kuyog nga wala mailhing lalaki nga nagbaklay sa nahisgutang lugar dihang kalit lang kining gisumbag sa maong lalaki sa nawong.
Ang biktima nisukarap paingon sa dalan nga naatol sa pag-agi sa tow truck hinungdan nga nadumbulan kini ug nalagpot sa dalan.
Ang Citom padayon pa nga nag-imbestigar kun si kinsa ang maong lalaking misukmag sa biktima tungod kay mikaratil dayon og dagan. - Lesley Caminade (BANAT NEWS)