CEBU, Philippines – Mopahigayon usab og job fair ang Kapitolyo atol sa kasaulogan sa adlaw sa mga mamumuo sa Mayo 1 karong adlaw nga Biyernes, diha sa Capitol social hall.
Sumala pa ni Provincial Employment Services Office kon PESO administration officer Ramon Gallardo nga sa 60 ka mga lokal nga mga kompanya dinhi sa probinsiya, 44 lamang ang misanong nga moapil sa maong job fair.
Matud pa ni Gallardo nga ang maong kompanya nanginahanglan og 1,550 ka mga trabahante sa mga lokal nga kumpanya ang gipangita alang sa mga posisyon sama sa supervisor, waiters, front desk officer, driver ug uban.
Duna nay 1,634 ka mga aplikanteng miparehistro diha sa ilang buhatan hinuon iyang gitataw nga mahimo pang maka-apply sa ubang mga kompanya nga mosalmot. - Chester Abadilla (BANAT NEWS)