CEBU, Philippines – Bag-o na ang District Commander sa Customs Police sa buhatan sa Bureau of Customs dinhi sa Port of Cebu.
Siya mao si Acting Capt. Jerry Arizabal kanhi deputy district commander sa port of Cebu.
Ang gihulipan ni Arizabal mao si Capt. Hernando Anonas kinsa tua na idestino karon sa dakbayan sa Davao isip District Commander sa Customs Davao.
Si Capt. Arizabal sa panahon ni Collector Atty. Rolando Ybes daan nang nadistino dinhi sa Sugbu ug sa dihang gibalhin kini ngadto sa Cagayan de Oro nagserbisyo kini isip District Commander sa Customs Port sa maong dakbayan.
Didto sa Cagayan de Oro, si Arizabal nakadawat og pasidungog gikan ni Finance Sec. Margarito Teves kay napili siya nga 2008 Junior Officer of the Year niadtong Abril 13 ning tuiga. - Bong Soriano (BANAT NEWS)