CEBU, Philippines - Duha ka mga pusher og shabu ang nadakpan sa kapolisan sa gipahigayon nilang saturation drive didto sa sitio Ylaya sa barangay Marigondon, dakbayan sa Lapulapu sa miaging kaadlawon.
Ang nadakpan mao sila si Eduardo Lato, 38, ug Salem Baguio, hingkod, nga pulos taga sitio Sudtonggan sa barangay Basak sa maong dakbayan.
Si Inspector Reymond Rodriguez sa kapolisan sa maong dakbayan maoy nangulo sa operasyon nga misangpot sa pagkasakmit sa upat ka pakete nga gituohang shabu gikan sa mga suspetsado.
Gibutyag ni Inspector Rodriguez sa Banat News nga una nila sikopa ang duha ka suspek gipanid-an nila kini pag-ayo hangtod nga gilusad nila ang usa ka saturation drive nga misangpot sa pagkasikop sa duha.
Ang duha ka dinakpan nagtingkagol na karon sa detention cell sa Lapulapu Police Station ug giandam na ang kaso batok kanila. - Romeo T. Limpangog ug Bong Soriano (BANAT NEWS)