CEBU, Philippines - Nagtaop pa sa buko-buko ang uhas sa ‘indian pana’sa usa ka lalaking gipana sa wala mailhing tawo diha sa Plaridel St. sa Alang-alang dakbayan sa Mandaue sa milabayng gabii. Giila ang biktima mao si Jeffrey Fabia, 32, residente sa Zone Paliya sa barangay Paknaan dakbayan sa Mandaue usa ka empleyado sa MEPZ. Sumala pa ni PO2 Arthur Cuyos sa station 1 sa MCPO naglakaw ang biktima uban sa iyang tulo ka kauban dihang nakamatikod og pagbinhod sa bukobuko. Sa pagsusi sa mga kauban uhas kini sa pana nga nagtaop sa bukobuko niini hinungdan nga dali nila kining gidala sa Mandaue City Hospital. Padayon ang kapolisan sa pagsusi kung kinsa ang responsable sa maong hitabo. - Bong Soriano (BANAT NEWS)