CEBU, Philippines - Gibana-banang P50 milyones ngadto sa P100 milyones ang gikinahanglang pundo alang sa rehabilitation sa Lagundi Reef sa dakbayan sa Talisay nga nadaro sa usa ka cargo vessel.
Kini maoy assessment sa mga diver sa Bureau of Fisheries and Aquatic Resources (BFAR) kinsa mihimo og pakisusi sa Lagundi Reef sa milabay’ng adlaw.
Si Konsehal Bernard Odilao kinsa tsirman sa komitiba sa kalikupan sa konseho sa dakbayan sa Talisay nagkanayon nga ang mga divers mibana-banang mokabat ngadto sa 4,000 square meters ang nasangaran sa barko. Sa pagkasangad sa M/V United Majuro daghang gasang ang nangaguba ug naapektohan ang ubang mga marine life, ang shipping agent sa maong barko mitunol na og US$10,000 isip donasyon human kasuhi ang kapitan nga si Cheng Guangming. Naglaraw karon ang dakbayan nga estriktohon na ang pag-angkorahe sa mga barko sa ilang kadagatan. (Brenda Batuto) (BANAT NEWS)