CEBU, Philippines - Usa ka tinun-an sa kursong nautical napalgang patay sulod sa iyang kuwarto sa ilang balay sa sitio Luwanluwan, barangay Poblacion I, siyudad sa Carcar human giingong naghikog niadtong Martes sa hapon.
Si Emiliano Rojo, 18, nadiskubrehan sa iyang manghod nga 10-anyos nga nagbitay sa iyang lawak nga adunay higot nga pisi ang liog nga ang pikas bahin didto gihikot sa ibabaw nga damba.
Ang mga ginikanan ni Rojo, sumala pa ni SPO1 Joel Pananganan sa Carcar Police Station, naglibog nganong naghikog ilang anak nga wala man kini gihambin nga problema.
Gitakdang ipaubos sa autopsy ang lawas ni Rojo aron mahibaw-an kun wala bay foul play ang kamatayon niini. - Darrel Carumba (BANAT NEWS)