CEBU, Philippines - Si kanhi Regional Director Ronald Roderos sa Police Regional Office (PRO) 7 gihatagan ni Gobernador Gwendolyn Garcia og Medal of Merit gumikan sa dakong natampo niini sa kahapsay ug kalinaw dinhi sa rehiyon 7 ug sa lalawigan sa Sugbu.
Ang paghatag sa maong medalya gihimo didto sa Capitol Social Hall kagahapon sa buntag .
Nasayran nga si Roderos gibalhin sa Camp Crame niadtong Martes alang sa iyang promotion pagka two star general ug siya gihulipan ni Chief Supt. Federico Terte.
Matud sa gobernador ang kanhi regional director angayan lang hatagan sa maong pasidungog tungod sa natampo niini sa pagpatunhay sa kalinaw ug kahusay sa tibuok rehiyon. - Rey Pasaporte (BANAT NEWS)