CEBU, Philippines - Usa ka tanod sa barangay Cantabaco, siyudad sa Toledo giatngan sa dalan ug gipusil makadaghang higayon hangtod namatay niadtong miaging gabii.
Si PO3 Roel Tadique sa Toledo Police Station nagkanayon nga si Joselito Enriquez Largo, 40, ulitawo ug residente sa sitio Apid mopaingon na unta sa barangay hall sa Cantabaco aron mo-duty isip tanod sa dihang gisugat sa mamumuno sa mingaw nga giagian ug gipusil makadaghan.Sa pagresponde sa kapolisan, nagbuy-od na si Largo. Ang kapolisan nakakaplag og upat ka kabhang sa kalibre .45 ug usa ka slug niini sa lugar nahitaboan. - Darrel Carumba (BANAT NEWS)