Cebu - Gumikan sa sugal nga baraha nadunggaban ang usa ka 20 anyos nga lalake didto sa barangay Malolos , lungsod sa Barili niadtong Biyernes sa gabii.
Ang biktima mao si Jersam Mata, 20, nga taga Hilasgasan , samtang ang suspetsado mao usab ang iyang amigong silingan nga si Tommy Hisola, 33.
Nasayran sa imbestigasyon sa kapolisan nga nagduwa og baraha ang biktima ug ang suspetsado, ug samtang nag-atubang sila sa baraha, giduyogan usab nila og inom hangtod nga nangalasbag ang duha.
Dihang miinit na ang ilang ulo, naghinayhinay dayon sila og lalis hangtod nga midako ang lantugi.
Ang suspetsado nga nahutdan na sa katarungan, milanit sa iyang kutsilyo ug giduslak ang bukobuko sa biktima. – BANAT NEWS