Cebu - Usa ka computer shop ang gilungkab sa wala mailhing mga kawatan ug gikuha ang duha ka laptops nga nahimutang sa barangay Poblacion lungsod sa Carmen.
Ang tag-iya nga si Edcel Apor mitaho sa kapolisan sa Carmen human sa hitabo nga miresulta sa pagkaaresto sa gipasanginlang kawatan nga si Jeffrey Jagdon, 21.
Sumala pa sa biktima nga giguba ang siradora sa pultahan sa maong shop ug human makasulod gikuha ang maong mga laptops nga nagkantidad og P30 mil matag usa.
Ang kapolisan sa Carmen inabagan sa kapolisan sa Danao nga sila si SPO1 Jaime Meca, PO3 Francis Alen Villamor, PO1 Sheilo Quimat ug SPO1 Luis Perales mipahigayon og hot pursuit operation nga miresulta sa pagkasigpat sa maong suspek nga nagbitbit niini hinungdan sa iyang pagkasikop.
Nakuha usab sa kapolisan sa bulsa sa iyang t-shirt ang usa ka paketeng gituuhang shabu. - Rica Calinawan (BANAT NEWS)