Usa ka ulitawo kinsa wala na kaantos sa problema sa kinabuhi naghikog patay sa punoan sa chicos didto sa barangay Danasan, Danao City niadtong miaging gabii.
Ang napalgang nagdiwalwal ang dila gumikan sa pagkatisok sa pisi nga gibaligkos sa iyang liog mao si Romel Bin Lugas, 20, ulitawo, ug way trabaho.
Si Job Bazon, 33, ulitawo nga taga Bonifacio Ext., Poblacion, Danao City maoy nakakita sa patay’ng lawas ni Lugas nga nagbitay na sa punoan sa chicos dili halayo sa ilang balay sulod sa compound sa DT Durano Elementary School.
Ang kapolisan sa Danao City walay nakitang foul play sa paghikog ni Lugas.