CEBU - Usa ka saleslady ang nabiktima sa pagpamusil kagahapon sa alas 12:30 sa kaadlawon diha sa dalan Uytenzu St., barangay Sambag II ning dakbayan.
Giila ang gipusil mao si Shella Pactoran, 22, saleslady sa National Bookstore diha sa Mango Avenue, nagpuyo sa Banawa barangay Guadalupe, nakaangkon og samad pinusilan sa walang buko-buko nga nilapos sa iyang walang dughan.
Usa ka wala mailhing suspetsado nga nagsul-ob og t-shirt nga itom ingon man itom nga pantalon, 5”6 ang gitas-on maoy gitumbok nga mipusil kaniya.
Sa imbestigasyon ni SPO1 Rogelio Nedamo sa Homicide Section sa Cebu City Police Office ang biktima uban sa iyang higalang langyaw naglakaw sa nahisgutang lugar dihang naabot sila tungod sa usa ka apartment ang suspetsadong naglingkod sa dalan nga nagtuk-ong ug nagtabon sa nawong kalit lang nipusil kaniya.
Human sa pagpamusil ang suspetsado yano lang usab kaayong naglakaw nga nisibat palayo sa maong dapit samtang gidala sa usa sa mga pribadong tambalanan ning dakbayan si Pactoran. – BANAT NEWS