CEBU - Suportahan ni Konsehal Rodrigo Abellanosa ang balaodnon nga gipalabang ni party-list representative Narciso Santiago III.
Gitumbok sa konsehal ang House Bill nga maghatag og tax credit sa mga employers nga magpakabana sa mga inahan nga mga empleyado niini.
Kini pinaagi usab sa pagbutang og mga pasilidad diha sa trabahoan alang sa mga working mother nga makapasuso sa ilang mga anak.
Ang nahisgutang lakang sa kongresista giingong maoy usa ka paagi pagdani sa mga kompanya nga moduyog sa breastfeeding campaign sa gobiyerno.
Matud ni Abellanosa nga nindot ang tumong sa maong balaodnon hinungdan nga kini angayan lang nga suportahan.
Usa ka resolusyon ang gipaabot nga ipalabang ni Abellanosa sa City Council nga magsuporta sa balaodnon ni Santiago.
Ang konsehal nga maoy vice chairman sa Committee on Family and Women sa City Council lakip sa nagtuo nga ang pagpasuso sa inahan makaayo niini ug sa anak mismo. – BANAT NEWS