CEBU - Nakadawat og hinabang pinansyal nga balor og P100,000 ang lungsod sa Ronda gikan ni Kongresista Pablo John Garcia sa segundo distrito alang sa pagsemento sa karsada sa barangay.
Ang lungsod sa Ronda maoy ikalima nga lungsod sa tibuok lalawigan nga may kinitaang P20 milyones ug may ginsakupang 14 ka mga barangay.
Ang maong kantidad gikan sa Priority Development Fund ni Garcia ug pun-an kini nila ni Board Member Peter John Calderon ug Wilfredo Caminero kinsa mohatag og tag P15 mil matag usa kanila.
Sa miaging consultative meeting, ang mga barangay kapitan sa maong lungsod mipadayag sa ilang problema sa kapait sa ilang mga karsada ilabi na sa panahon sa ting-uwan.
Tungod niini nangayo sila sa kongresista og hinabang aron masemento na ang ilang karsada ug hapsay agian ang kabarangayan. – BANAT NEWS