Moabot ugmang adlawa dinhi sa dakbayan sa Sugbu si PNP Chief Aelino Razon Jr. isip guest speaker sa ika-133 nga tinuig nga panagtigum sa National Law Enforcement Coordinating Council (NALECC) kinsa siya maoy chairman niini.
Sa samang adlaw mao usab ang ika-26 nga anibersaryo sa maong organisasyon nga gikatahong ipahigayon anha sa Prince Hotel sa dalan Archbishop Reyes ning dakbayan.
Matud ni Sr. Supt Louie Oppus, deputy director for operation and plans diision sa Police Regional Office-7 tambungan kini sa mga regional directors ug department heads sa nagkalain-laing ahensya sa gobiyerno sama sa Philippine Drug Enforcement Agency (PDEA), Bureau of Customs ug tanang opisyal sa kapolisan.
Unya sa Huwebes si Razon moadto ngadto sa Bohol alang sa pagbukas na sa bag-ong nahuman nga buhatan sa Tourist Police didto sa Panglao, Bohol.
Nitataw si Oppus butangan usab og tourist police ang ubang mga tourist spots sa maong lalawigan aron masigurong mabantayan ang mga langyaw’ng turista nga mobisita sa nagkalain-laing lugar sa Bohol.
Sa maong adlaw si Razon maoy pinasidunggang dinapit sa mga bag-ong gipormang Special Weapons and Tactics (SWAT) team sa Bohol.