Mipahibalo ang Visayan Electric Cooperative kabahin sa 14 ka oras nga brownout diha sa downtown area ugmang adlawa tungod sa padayong pagpang-ilis sa mga gabok nga mga poste sa kadalanan.
Sa gipang-apod nga leaflets sa VECO sa kabalayan kini nipahibalong gikan sa alas 3:00 sa kaadlawon hangtud sa alas 5 sa hapon ugmang adlawa masinati ang brownout.
Partikular sa maapektahan niini ug gipahibalo sa sayo pa ang mga establisamento sa maong mga lugar sa pag-andam alang niini.
Kini mao ang pipila ka bahin sa P. del Rosario St.; pipila ka bahin sa D. Jakosalem St.; J.C. Zamora St.; Ibarra St.; Simoun St.; pipila ka bahin sa Bonifacio St.; pipila ka bahin sa dalan Junquera ug Extension niini ug ingon man sa P. Cui St.
Matud pa sa pamahayag sa VECO ang service interruption gitumong aron mailisan ang mga nangagabok na nga mga poste ug aron usab mapanindot pa ang serbisyo nila sa publiko.
Misaad hinuon ang VECO nga dalion og tapos sa ilang mga engineers ang maong trabaho aron di malangay ang serbisyo sa kuryente sa maapektahang lugar.