Usa ka 51-anyos nga lalaki ang gidunggab sa amahan sa 16-anyos nga gihubog ug pagkahuman midala sa dalagita sa baybayon dayon gilugos sa barangay Guiwanon lungsod sa Dalaguete niadtong Biyernes sa alas 12:00 sa tungang gabii.
Ang gitigbas mao si Francisco Carubio ug molupyo sa barangay Cambangyaw sakop sa maong lungsod samtang ang 42 anyos nga suspek nga taga barangay Mantalongon, Dalaguete nitahan sa kapolisan.
Matud ni SPO1 Edwin Quilaton sa Dalaguete Police station dihang nahinabi sa Banat News nilakaw ang anak sa suspek nianang alas 5 sa hapon aron magkanta-kanta uban sa mga higala diha sa usa ka videokihan sa barangay Guiwanon.
Na-atol nga didto usab si Carubio uban sa mga higala nga nag-inom ug nianang pagka-gabii gidapit niini ang dalagita nga magkuyog og pamauli apan wala damha sa dalagita nga dad-on siya niini sa baybayon sa barangay Balud ug gilugos.
Nisumbong ang dalagita sa iyang amahan kinsa gikasuko sa naulahi ug giadto ang videokihan ug diha maabti si Carubio, walay pagduha-duhang gidunggab sa suspek si Carubio diha sa tiyan.
Daling gitabang si Carubio ug gidala sa Vicente Sotto Memorial Medical Center samtang mitahan sa kapolisan ang suspek.