Gitinguha ni Mayor Jonas Cortes nga kahatagan og hinabang pinansyal ang mga pamilyang taga Mandaue nga may sakop nga nahilakip sa pagkalunod sa MV Princess of the Stars.
Gipalanog sa mayor ang iyang tinguha ngadto sa konseho sa dakbayan base sa suwat nga iyang gipadala ngadto sa city disaster and coordinating council.
Gumikan niini si konsehal Noeleen Borbajo maoy nangamahan sa usa ka resolusyon alang sa maong tinguha aron kagahinan dayon og salapi ug ikatunol niadtong hingtungdang hinabangan.
,Si Borbajo sa iyang resolusyon mipasabot nga gikinahanglan kaayo ang maong hinabang human masayri nga daghang pamilya nga taga Mandaue nga nagbangutan usab human maangin ang ilang kabanay sa pagkalunod sa barko nga gipanag-iya sa Sulpicio Lines didto sa kadagatan sa Romblon niadtong miaging buwan.