Gipatuman na sa kapolisan sa dakbayan sa Sugbu ang “expanded night watch program” sa mga polis nga mo-duty og ka usa panahon sa gabii matag bulan.
Ang hepe sa Cebu City Police Office Patrocinio Comendador nagkanayon nga iyang gipalugwayan ang night watch ngadto na sa expanded night watch pinaagi sa paglangkob sa tanang personnel sa CCPO nga mo-duty og kausa sa usa ka bulan.
Dili sama niadto nga aduna lamang pipila ka mga polis sa nagkadaiyang yunit sa CCPO ang obligadong mo-duty sa night watch patrol kausa sa usa ka semana.
Nunot niini, ang expanded night watch program aduna nay 30 ka mga personnel nga ipakatap sa nagkadaiyang dapit sa dakbayan panahon sa kagabhion.
Sumala pa niini nga gituyo niya nga daghan ang team kada gabii tungod usab kay kaniadto gamay ra gyud kaayo ang naglangkob sa night watch.