Malampuson nga gipahigayon ang oath taking sa mga miyembro sa Lawaan Urban Poor Association, Incorporated (LUPA) diha sitio Kalmar, Lawaan 1 niadtong Sabado .
Ang maong grupo kanhi sakop sa Kalmar Urban Poor Corporation Association (KUPCA) kansang presidente mao si Estrella Bas ug dihang nasayran nila nga dili kini usa ka lihitimo nga organisasyon mibuwag sila.
Si Juannita Ministerio ang presidente sa LUPA sa pakighinabi sa Banat News mibutyag nga United Landless Urban Poor Peace Association, Inc. maoy kanhi ngalan sa ilang grupo apan ila kining gipa-“dissolve” dihang gibabagan sa KUPCA ang aplikasyon nila alang sa akreditasyon.
Karon malipayon na kaayo sila kay usa na sila ka lihitimo nga pundok matud pa ni Ministerio.