Giawhag ni Senador Roxas ang kagamhanan sa pagpasiugda og mga kausaban pinaagi sa pagpalig-on sa Philippine International Trading Corporation (PITC) alang sa kasayon sa mga benepisyo sa bag-ong balaod nga Universally Accessible Cheaper and Quality Medicines Act.
Kini ang iyang gipadayag atol sa iyang pagpakigtagbo sa mga drug store owner niadtong miaging adlaw sa iyang pagduaw dinhi sa Sugbu.
“In order to have real impact at the onset, we must have a strong PITC that would implement the government parallel importation program,” nagkanayon si Roxas.
Si Roxas nakigtagbo sa mga drug store association sa Sugbu alang sa pagpasabot sa mga pamaagi sa pagpahimulos sa kahigayonan nga makabaton sa labing barato nga mga tambal.
Dugang pa niya nga naghinamhinam na ang mga nanag-iya og botika sa bag-ong balaud alang sa pagpatuman niini apan ang ilang mga pangutana kun makahimo ba ang PITC sa pagpatuman niini.
“All these concerns and complaints raised about the performance of PITC in past must be reviewed and addressed now,” nagkanayon si Roxas.
Matud pa niya nga naglakip sa mga reklamo mao ang kakuwang sa koordinasyon sa PITC ngadto sa mga accredited distributors nga nakahatag na hinuon og mga katahap sa katawhan.