Hustisya maoy gipangayo sa kabanay sa gibanhigang abogado nga si Atty. Richard William “Dick” Sison atol sa paglubong kaniya kagahapon sa udto sa sam-ang katoliko sa sitio Humay-humay barangay Pajo dakbayan sa Lapulapu kagahapon sa udto.
Mga 9:45 kagahapon sa nigikan ang funeral procession gikan sa panimalay ni Sison ug gihimo ang Misa Requiem diha sa Birhen sa Regla nga giduyugan sa iyang mga kaparyentehan, kahigalaan, mga kauban sa matag organisasyon ug mga kliyente.
Si Sison nga usa ka army reservist gihatagan og military funeral diin siya gilubong untop alas 12 sa udto.
Lakip sa mihatud kaniya mao ang mga sakop sa 7th Regional Community Defense Group nga gipangulohan ni Col. Armando Dancel, mga sakop ERUF personnels ug ang mga classmates ni Sison sa class 67 sa Saint Alfonsos Catholic School (SACS).
Si Sison gibanhigan niadtong milabayng semana diha sa dalan V. Sotto sa barangay Tinago sa duha ka wala mailhing mga lalaking luwan og motorsiklo, koneksyon sa trabaho niini maoy gituuhang motibo sa pagpatay.
Usa sa batchmate ni Sison nga usa na karon ka pari maoy main celebrant sa maong misa nga si Fr. Rolando Manayon nga gikan sa St. Therese parish sa barangay Lahug dakbayan sa Sugbu.
Diha usab ang mga empleyado sa palasyo sa hustisya ug pipila ka mga empleyado sa city hall, mga kliyente niini sa mga department stores isip maoy corporate lawyer sa kumpanya.
Wala kapugngi ni Lapulapu City Mayor Arturo Radaza ang paghilak sulod sa simbahan uban sa iyang kapikas nga si Mactan barangay captain Paz Radaza sa dihang mipadangat sa iyang pagpasalamat ug panawagan pagpangayo’g hustisa ang kinamaguwangang anak ni Sison nga si Gweny Sison.
Matod pa ni Gweny nga sa wala pa mamatay ang amahan kini mipasalig nga pakamatyan niya ang mga kaso nga iyang gilabanan sa pamilyang Radaza gumikan sa kaayo niini ngadto kanila.
Dugang pa ni Gweny nga siya uban sa iyang inahan nga si Dina mga igsoon nga si May ug Richrad Dino dili pa makadawat sa kalit nga kamatayon niini.
Samtang si Sr. Supt. Patrocinio Comendador director sa Cebu City Police Office nitug-an nga hangtud kagahapon wala pa sila makakuha gyud og hustong impormasyong gikan sa pamilya ni Sison.
Matud pa niini nga posibleng naay makuhang impormasyon o ba kaha clue diha sa mga pamahayag gikan sa iyang mga kabanay nga karon mao nalay kulang sa pagkumpleto sa ilang gisubay nga anggulo.
Hinuon mipasalig si Comendador nga hatagan og hustisya ang kamatayon sa abogado.
“We are utilizing all our resources to give justice to the victim, while at this point in time our police actions have not yet reached positive results but we are really determined to solve this case,” asoy pang Comendador.
Sukad sa pagpahibalo sa pamilya nga adto na sila mopatabang sa National Bureau of Investigation wala na makakuha og dugang impormasyon ang kapolisan gikan sa mga kabanay ni Sison.
Nunot niini giawhag ni Comendador ang pamilya sa pagkooperar kanila.
“We would like again to reiterate the relatives to cooperate with us so that we would be able to get all the information that are need in solving this case. Siguro after malubong siya that is the time nga maka-connect ta sa family basin makakuha ta og information that we believed is the key to unlocking this puzzle,” awhag pa niini.
Samtang nagpatabang na usab ang CCPO ngadto sa Criminal Investigation and Detective Group sa pag-retrieved sa mga text messages
diha sa message inbox sa cellphone ni Sison nga bag-uhay palang giturn-over kanila human sa pila ka adlaw nilang request niini.
Matud pang Comendador dihang ilang nakuptan ang cellphone wala nay bisan usa ka text message diha sa inbox niini, wala hinuon moklaro si Comendador kung gi-delete ba kini og tuyo.
Ang CCPO ug ang NBI padayon pa gihapon sa ilang pagbinayloay og imp
“Ang atong assumption diha that the victim have no time to delete the message inbox sa iyang cellphone,” asoy pang Comendador kinsa nagkanayon nga sa pagkakaron ila unang gipokus ang pag-retrieve sa mensahe niini ug una pa nila atubangon kung si nipapas niini.