Nanawagan karon si Cebu City Councilor Arsenio Pacaña sa Commission on Higher Education (ChED) pagpatuman og bag-ong education curricula.
Kini human masayod ang konsehal nga ang nahisgutang ahensiya moimplementar og kausaban sa nursing program sugod sa pagbukas sa klase sunod buwan.
Ang CHED Memorandum Order Number 5 nagmando sa mga nursing schools pagdugang og mga subjects sa maong kurso gawas sa hospital hours sa mga tinun-an.
Matud ni konsehal Pacaña nga bisan og iyang gihangop ang maong lakang angayang ikunsiderar usab ang ubang kurso ug dili lang limitahan sa nursing.
Buot sa konsehal nga mahatagan usab og pagtagad ang panginahanglan sa lokal ug langyaw nga mga employer ug mabalanse ang panginahanglan.
“Although the intention of CHED to revise and rectify the weaknesses in the nursing curriculum is laudable, it should however seriously consider the clamor of the business sector, particularly the demands of local and foreign employers, for government to seriously look into the inadequacy of the other school curricula.” sumala ni Pacaña.
“Since the high unemployment rate and/or underemployment among college graduates is real, it is therefore essential for CHED to adapt an immediate solution by crafting a new education curricula that would further enhance the skill, competence and quality of our young graduates,” dugang pama-hayag sa konsehal.
Gusto ni Pacaña nga isukip ang actual skills development program ug service training sa education curricula nga mobalanse sa panginahanglan sa kalibutanong employment market.
Usa ka resolusyon ang ipalabang sa konsehal atol sa sesyon sa city council sunod semana nga mag-awhag sa CHED pagpatuman og bag-ong education curricula sa kolehiyo.