Usa ka habal habal drayber ang gipasanginlang niunay sa pagpanulis sa iyaha ra usab nga pasahero didto sa Upper Lipata lungsod sa Minglanilla Cebu niadtong milabay'ng Miyerkules sa alas 6:00 sa buntag.
Ang pasahero giila nga usa ka Emma Resada, 41 ug molupyo sa nahisgutang lugar.
Gibutyag ni SPO1 Romel Parcon sa Minglanilla Police Station dihang nahinabi sa Banat News nitug-an ang biktima nga nisakay siya sa biktima sa maong lugar aron unta magpahatod sa simbahan pagtambong og misa.
Apan samtang nagpaingon na sila sa simbahan kalit lang gihunong sa drayber ang motor dayon niingon “maam na flat-an ta ma'm”.
Matod ni SPO1 Parcon nga dihang nanaug na ang biktima kalit lang nibunot og armas ug dayong deklarar og tulis.
Tungod sa kahadlok sa biktima napugos kini paghatag sa iyang shoulder bag nga dunay sulod nga mga ID’s, credit card,tulo ka ATM card ug 3200 nga cellphone nga dunay camera ug cash niining P200.00.