Nadakpan sa kapolisan sa lungsod sa San Remigio ang usa ka tawo nga wanted sa kapolisan sa dakbayan sa Mandaue nga nag-atubang og kasong murder sa sala ni Judge Marilyn Yap sa Branch 28 sa Regional Trial Court 7.
Ang nadakpan mao si Jerry Cose, 30, nga taga Umapad sa dakbayan sa Mandaue kinsa suspetsado sa pagpatay kang Virgilio Pitogo nga taga Highland, Umapad sa maong dakbayan.
Matud pa ni Jeffrey Matunog sa Criminal Intelligence and Investigation Bureau (CIIB) nga nahinabi sa Banat News nga gipangulohan ni Senior Inspector Marvin de Paz , hepe sa CIIB sa Mandaue City Police Office .
Si Judge Yap maoy miluwat sa warrant of arrest sa maong wanted sa kapolisan sa dakbayan niadto pang 2001 nga nagtagotago.
Matud pa ni PO1 Matunog nga ang suspetsado kinsa gibalhog karon sa bilanggoan ang gikatakdang itugyan sa korte alang sa pag-atubang na sa kasong murder .
Si PO1 Matunog miingon nga dugay na nilang gipangita ang suspetsado ug dihang ilang nadawat ang taho nga atua kini sa lungsod sa San Remigio dali usab nilang giporma ang grupo nga gipangulohan ni De Paz alang sa pagsikop.