Mibuto ang tiil sa usa ka tawo nga nakuryentihan sa live wire sa Visayan Electric Company (VECO) sa gisak-ang kahoy nga gipamutlan niya og sanga diha sa barangay Lantawan, San Fernando niadtong miaging hapon. Wala na kaabot nga buhi sa tambalanan ang biktima nga si Wilfredo Alburo Yunil, 49, lumolupyo sa maong dapit. Si Barangay Konsehal John Gioco nga silingan sa biktima nga nahinabi sa Banat News miingon nga nasaghid sa linya sa kuryente ang sanga ug tiil sa biktima hinungdan sa pagbuto sa tiil niini ug nahagbong kini sa ubos.