Patay nang nidangat sa tambalanan ang usa ka mamunitay og basura human kini pusila kagahapon sa kaadlawon diha sa dalan T.Padilla Extension barangay Tejero ning dakbayan. Giila ang biktima mao si Antonio Lucay-Lucay,38, taga Villagonzalo 1 barangay Tejero kinsa wala na kaabot buhi sa Cebu City Medical Center. Usa ka gwardiya sa usa ka electrical supply nga tindahan diha sa maong dapit nga giilang “Nilo” ang gitumbok nga mipusil sa biktima ug gituuhang naalaan kining nangawat.