Ang 1st Ready Reserve Battalion (1RRBn) sa Army Reserve Command (Arescom) nga nagbase sa Sugbo nagpahibalo sa usa ka formation nga ipahigayon alang sa mga sakop sa Headquarter and Headquarters Service Company (HHQC).
Ang maong formation himuon sa 701 Community Defense Center (701CDC) sa luyo nga bahin sa Camp Lapulapu, barangay Apas ning dakbayan sa alas 7 sa buntag, Enero 13, 2008, adlaw’ng Domingo.
Si 2Lt Alexander Magno, commanding officer sa 701CDC, nagkanayon nga gitumong ang maong formation agi og pagpangandam sa pagserbisyo sa 1RRBn HHQC sa fluvial parade ug solemn procession sa Imahen ni Sr. Sto. Niño karong Enero 19, 2007, adlaw’ng Sabado.
Sama sa miaging tuig, ang 1RRBn HHQC moserbisyo sa Pista Señor pinaagi sa pagbantay sa duha ka kalihukan sa Sabado, besperas sa kapistahan sa Balaang Bata.
Karong tuiga, matud pa ni 2Lt Magno nga adunay usa ka kompaniya gikan sa mga Army Reservists sa Toledo ang moserbisyo.
Ang mga Army Reservists sa 1RRBn nga gilangkoban sa Alpha, Bravo, Charlie ug HHQ Company, gipanguluhan ni Major Richard Sison ug sa S1 nga si Major Virgilio Kong.
Uban sa mga Army Reservists ang mga ROTC cadets sa Cebu State College of Science and Technology (CSCST) Main Campus.