Duha ka tawo nga nag-atubang og kaso nga paghupot og shabu ang gikombikto ni Judge Gabriel Ingles sa Branch 58 sa Regional Trial Court (RTC) 7 sa miaging adlaw.
Ang nakombikto mao sila si Teodoro Villamala ug Dennis Tancinco pulos taga dakbayan sa Sugbu.
Si Villamala kinsa nakuhaan og walo ka gramo nga shabu ang gihukman nga mabilanggo sa tibuok kinabuhi, samtang si Tancinco ang gihukman nga mabilanggo og 20 ngadto sa 23 ka tuig ug gipabayad og P400,000 nga salapi.
Si Tancinco nga nadakpan sa mga sakop sa CIIB niadtong Agosto 12, 2006 diha sa Duljo, Fatima niining dakbayan nakuhaan kini og duha ka bultong shabu.
Si Tancinco ang gitumbok nga kauban kaniadto ni Joel “Tungol” Nodalo ang kanhi notadong tulisan.
Ang duha gitanggong karon sa Bagong Buhay and Rehabilitation Center (BBRC).