Si US Honorary Consul John Domingo miabot kagahapon sa buntag diha sa Police Regional Office-7 aron ablihan ang US bond notes nga nakit-an didto sa Talaga Argao sa miaging semana nga gibilin sa usa ka Caucasian.
Ang bond notes gibanabanang mokantidad og US $ 3 trilyones nga US Federal Interest Coupon ang giinspeksyon ni Domingo kagahapon sa buntag atubangan sa mga sakop sa media nga gitambongan ni Regional Director PRO-7 chief Supt Ronald Roderos, Cebu Provincial Police Office Director Sr. Supt. Carmelo Valmoria, Sr. Supt. Arnulfo Perez, chief of staff sa PRO-7, DILG under Secretary Lito Ruiz.
Ang nahibiling 11 sa trese ka compartments ang giablihan apan nasuta nga susama gihapon ang sulod sa nahaunang duha ka compartment nga naablihan na niadtong Domingo apan nasuta nga pulos peke ang mga bank notes.
Matud ni Domingo nga wala magkatukma ang “figure” ug ang pagkasulat sa “amount in words” usa sayop kaayo ang pagkasuwat sa “grammar” sa matag coupons.
Laing naobserbahan ni Domingo mao ang wala magkadimao sa serial number, security code, box number, public department halos wala magkapareha hasta ang pagkahimo sa papel sa coupons.
Dugang pang Domingo nga wala gyuy one million paper bills sa US nga nagpakita sa nawong sa kanhi presidente nga si George Washington.
Midugang si Domingo nga iyang ipadala ang tanang bond notes sa US embassy kinsa mao nay mosusi sa authenticity niini ug ang embassy na mismo ang mohukom kun kinsay mo-dispose sa maong mga bond notes.
Matud ni Domingo iyang gidayeg ang kadagkuan sa PRO-7 sa dinaliang aksiyon nga gihimo niini.
“Well its not genuine. I can tell you that now, if it was genuine then we would really keep our hats off to PNP for confiscating this because you, yourself would really know three trillion dollars of real money put into this economy would be a big impact,” dugang pang Domingo.
Samtang si Roderos sa iyang bahin wala mohatag og ‘time table’ ni Valmoria pagdakop sa naghimo sa maong counterfeit bonds.