Bag-ong miyembro sa fraternity nga Sogo gidunggab sa tulo ka managsuong miyembro sa Spartan fraternity didto sa Buagsong, Cordova sa milabay’ng gabii.
Si Marjun Tura, 29, mitumbok sa midunggab kaniya nga mao ang magsuong Faustino, 31, ug Ricardo, 28, ug Ronellio Dinoy, 26, pulos mga minyo ug nagpuyo usab sa susamang dapit ug mga miyembro sa grupong Spartan.
Matud pa ni SPO1 Leovero Augusto sa Cordova Police Station nga samtang naglakaw si Tura pauli sa ilang panimalay giatngan kini sa magsuong Dinoy ug gitabangan og kulata.
Usa sa magsuon midunggab kadaghan ni Tura hinungdan nga nalandig kini sa Vicente Sotto Memorial Medical Center.
Si Faustino lamang ang nasikop sa kapolisan samtang nakasibat ang magsuong Ricardo ug Ronellio.
Matud pa ni SPO1 Augusto nga ang grupo sa Sogo naggikan sa salida sa GMA-7 ug ang Spartan grupo sa mga tawo nga mahilig sa pag-inom og Sparkle ug Tanduay (Spartan).