Usa ka ginang nga gituohang naghikog nakit-an sa iyang kapuyo nga nabulit sa daghang dugo sulod sa lawak niini. Nahitabo kini sa Sitio San Jose, Dumlog, Talisay sa miaging gabii.
Ang lawas ni Myrna Campo, 48, nakit-an sa lawak nga wala nay kinabuhi sa kapuyo niining si Nilo Canizares, drayber og traysikol.
Si SPO3 Cleopas Bonjoc nagkanayon nga duha ka samad pinusilan ang naangkon ni Campo, usa sa walang palad ug usa sa dughan.
Nakuha sa lugar diin nakit-an si Campo ang duha ka buhing bala sa .38 kalibre ug duha ka kabhang sa bala nga gituohang gigamit ni Campo pagpusil sa kaugalingon.
Si Cañizares ug ang sinagop niini gipaubos karon sa paraffin test.