Magtiayong negosyante sa lungsod sa San Remegio gitulis sa wala ilhing mga tawo atol sa ilang pagpauli gikan sa merkado sa San Remegio sa miaging gabii.
Ang biktima nga sila si Abarieto ug Adelaida Rosilloso nga taga barangay Poblacion lungsod sa San Remegio igo ra nga naglakaw padulong sa ilang balay sa dihang gikasugat ang duha ka tulisan diin mideklarar og tulis.
Sa dihang nagdumili si Abrieto sa paghatag sa salapi nga gisulod sa hand bag sa iyang asawa usa sa tulisan ang mibukbok og armas sa ulo niini.
Nakuha gikan sa magtiayon ang salapi nga nagkantidad og P6,000 ug ang mga alahas nga nagkantidad og P30,000.
Wala pa matino sa kapolisan kun si kinsa ang maong mga suspek.