Ang nagsunodsunod nga linog niadtong Martes sa hapon ug kagahapon sa buntag didto sa Samar-Leyte pulos “tectonic origin” matud pa sa mga tinugyanan sa Philippine Volcanology and Seismology (Phivolcs).
Gipasabot ni Phivolcs officer Nemesio Cañete nga walay koneksyon ang linog sa alas 4:30 niadtong Miyerkules sa hapon nga may intensity 3 ang gikusgon ug ang duha ka tay-og nga nahitabo sa mao gihapong lugar nga naglakip sa Tabango, Leyte kagahapon sa alas 6:35 sa buntag ug gisundan kini nianang pagka-alas 6:47 sa mao gihapong higayon.
Hinuon matud pa ni Cañete nga way namugnang kadaot sa maong mga linog nga namugna gumikan sa paglihok sa mga “plates” kun mga bato sa ilawom sa yuta sa aganan sa linog sa may “Leyte fault”.