Ang pagkasikop nahitabo kagahapon sa buntag sa alas 11 pasado diha sa parking lot sa usa ka dakong establisamento sa reclamation area ning dakbayan sa Sugbu.
Ang kapolisan pinangulohan ni SPO2 Francis Dayandan uban sa laing mga kauban gikan sa Cagayan de Oro City Police Office inabagan nila ni PO1 Antonio Maglangit ug PO1 Anthony Gerry Vestal sa Mabolo Police Station misikop ni John Horst Ebner, usa ka American national diha sa parking lot sa dakong tindahan.
Ang pagkasikop ni Ebner gipaagi sa warrant of arrest nga giluwatan ni Judge Jose Escobido sa Regional Trial Court, Branch 37 sa Cagayan De Oro City niadtong tuig 2002.
Ang kasong child abuse ug pagpanglugos nahitabo niadtong tuig 2002 ug nalutsan og warrant of arrest sa maong tuig.
Human mahimo ang maong krimen ni Ebner nagtagotago kini sulod sa lima ka tuig.
Matud pang PO1 Marvin Chin sa Banat News nga wala pa nila masuta kun asa dapit magpuyo dinhi sa Sugbu si Ebner
Ang dinakpan kasamtangan gidetiner sa Cebu City Police Office ug posibleng dad-on pagbalik sa kapolisan didto sa Cagayan diin siya nag-atubang og kaso.