Bar topnotchers sa Sugbu buot pasidunggan sa konseho

Gitakdang pasidunggan sa konseho sa dakbayan sa Sugbu ang duha ka mga Sugboanon nga nakapasar ug nasulod sa mga topnotchers sa milabay''ng 2006 bar examination nga gipagawas ang resulta dili palang dugay.

Si Konsehal Arsenio Pacaña, vice chairman sa committee on education maoy nangamahan sa resolusyon nga maghatag og pasidungog sa mga bag-ong mga abogado nga sila si Karen Gaviola ug Al-Shwaid Ismael.

Si Gaviola nga gradwado sa kursong abogasiya sa University of San Carlos-College of Law ug samtang si Ismael sa University of Cebu-College of Law.

Si Gaviola maoy 7th placer ug si Ismael maoy 8th placer sa maong Bar exam nga giapilan sa 6,187 ka mga gradwado sa abogasiya nga gipahigayon niadtong bulan sa Septiyembre sa nilabay''ng tuig.

Gibanabanang 30.6 porsyento ang mga tinun-an nga nakapasar sa gipahigayong bar examination karong tuiga nga mas taas og porsyento kon itandi sa nilabay''ng tuig.

Ang konseho sa dakbayan gitakdang motuki sa maong resolosyon atol sa sesyon karung Miyerkules aron usab pagdasig sa mga tinun-an nga nagtungha sa kursong abogasiya nga makatiwas sa ilang mga damgo.