Gibutyag ni Villarete dihang nahinabi sa mga tigbalita nga pagkakaron gipaabot pa nila nga makumpleto ang gipahigayong pagtuon sa City Traffic Operation Management (Citom) sa trapiko sa Talamban cluster nga gikabalak-an nila nga makasinati og grabeng kahuot sa trapiko kun hingpit nang mapabarog ang maong proyekto sa Kapitolyo.
Gipasabot ni Villarete nga wala sila mosupak sa mga nag-ung- ong nga development dinhi sa dakbayan apan gikinahanglan usab nilang kontrolahon ang bisan unsang kalambuan sa dili pa hingpit nga aprobahan pagseguro nga dili kini makahatag og kahasol sa mga molupyo dinhi sa dakbayan ilabi na sa suliran unya sa trapiko.
Gipasalig ni Villarete nga mohimo dayon ang City Planning Office og pagtuon sa maong Ciudad project kun madawat na nila ang kumpletong traffic study sa Citom ug makaduso na sa tanang mga gikinahanglang dokumento ang Office of the Building Official (OBO).
Nasayran nga mipasar og moratorium ang konseho sa nagpadayong konstruksyon sa Ciudad project sa Kapitolyo human nagubot ang negosasyon tali ni Mayor Tomas Osmeña ug Gobernador Gwendolyn Garcia may labot sa land-swap deal aron masalbar ang nag-ong-ong nga demolisyon sa 5 mil ka mga pamilya nga nagpuyo sa luna sa Kapitolyo nga nahimutang dinhi sa dakbayan nga cover sa 93-I ordinance.