Mangaron hayan marelibuhan – Valmoria

Aduna nay rekomendasyon ang hepe sa Cebu Provincial Police Office (CPPO) nga relibohan sa pagka hepe sa Minglanilla Cebu si Chief Insp. Joseph Mangaron tungod sa nakitang basehanan sa resulta sa imbestigasyon sa Provincial Investigation and Detective Management Branch kang kansang buhatan maoy nag-imbestigar sa kasong giatubang sa nahisgutang opisyal.

Kini ang gipahibalo ni Sr. Supt. Carmelo Valmoria, hepe sa CPPO atol sa press conference kagahapon sa udto ug matud niya nga iya nang giindosar sa Administration sa Police Regional Office 7 ang maong rekomendasyon kinsa mao nay mopadala sa Campo Crame.

"Purely recommended for his relief kay karon gud the procedure right now we cannot just issue a relieved order then implemented outright unlike pipila ka weeks ago so we recommended for his relief then forwarded into the Regional Office then endorsed our Regional Office will be submitted to Camp Crame upon approval I forward to Comelec."

Human maaprobahan sa Campo Crame pirmahan pa kini ni Provincial Election Supervisor Atty. Edwin Cadungog aron hingpit nang ipatuman ang relieved order batok kang Mangaron.

Matud ni Valmoria ang basehanan gyud nila mao ang pag-release sa duha ka dinakpang negosyanteng gipasanginlan nigaid sa menor de edad duha na ka semana ang nakalabay sa Minglanilla.

Gawas niini ang kasong sexual harassment nga gipasaka ni Tungkop Barangay Captain Olga Fiel Villamor lain usab kining imbestigasyon.

Apan giklaro ni Valmoria ang pasangil nga giingon nidawat og kuwarta si Mangaron sa duha ka negosyante wala makaprobar ang mga imbestigador.