Ang gidakop kagahapon sa buntag giilang si Roberto Arquilla, 49, human dunay mitawag sa telepono sa CIDG7 kabahin sa usa ka armadong tawo diha sa dalan Gomez sa Centro sa naasoy'ng dakbayan.
Si SPO3 Eduardo Matillano ug PO3 Artemio Tumakay sa CIDG7 maoy miresponde sa maong lugar ug nakumpirmar ang report human si Arquilla makuhai og pistola.
Usa ka kalibre .45 Mark IV nga Colt nga may usa ka magazine nga may pito ka buhing bala ang nakumpiskar sa hawak ni Arquilla.
Matud pang Matillano dunay mitawag sa telepono makatulo ka higayon diha sa ilang buhatan kabahin sa presensya sa maong tawo nga giingong magpunay og isa sa iyang sinina ug nakit-an ang gitak-in niining armas.
Gikatahong mipresentar si Arquilla og Memorandum Receipt sa maong armas nga gikatahong may pirma sa mayor, apan napakyas si Arquilla pagpakita'g Comelec Gun Ban exemption sa paghupot niini sa maong armas hinungdan nga siya gidakop.
Ang Comelec mao ray dunay gahum nga makahatag og exemption ngadto sa mga indibidwal lakip na mga kawani sa gobiyerno nga naghupot og armas panahon sa eleksyon ug kampanya.
Si Arquilla dihang gihinabi sa Banat News diha sa iyang selda kagahapon mipakita sa iyang ID nga siya nasakop sa city hall security.