Si SPO3 Efren Caballero, desk officer sa Badian Police Station nagkanayon nga karong wala nay kapasakaag kaso ang mga ginikanan sa biktima, hingpit na usab nga nawagtang ang kaso.
Kini sa dihang naghikog pinaagi sa pag-inom og hilo sa ilaga ang suspetsadong si Eduardo Caballero, 52, byudo, taga Tiguib, niadtong Domingo ug napalgan kining patay na sa kilid sa balay sa iyang anak niadtong Lunes sa kaadlawon.
Si SPO3 Caballero kinsa wa moangkon nga paryente siya ug ang suspetsadong Caballero kay wa siya makaila sa tinuod nga kagikan niini, mibutyag nga basi sa rekord, ang suspetsado daan gyung may kaso sa pagpanglugos.
Nasuta usab sa kapolisan sa Badian nga ubos kini sa impluwensya sa ginadiling drugas dihang gilugos ug gipatay niya si Janice Jabierto, 12, kay nakita nila sulod sa panimalay sa maong suspetsado ang daghang layang gamot ug dahon sa marijuana.
Si Caballero maoy natumbok sa mga silingan nga milugos ug mipatay sa biktima nianang kabuntagon sa adlaw'ng Biyernes dihang nag-inusara ang naulahi kay gibiyaan sa iyang maguwang paingon sa eskuylahan.