Ang maong reklamo naggikan sa usa ka Edgardo Ybañez nga gidakop niadtong Pebrero 20 sa kasong drunkenness nireklamo nga sayop ang gi-blotter sa MPG sanglit ang nakabutang didto alas 11 sa gabii siya nadakpi apan sa pagkatinuod alas 8 pa lang gitanggong na siya nianang mga orasa.
Gikuwestyon usab niya ang pag-release sa amahan sa imbestigador sa MPG nga si Primo Tarucan kinsa iyang gidemandang ipa-paraffin test tungod sa pagpusil kaniya niadtong tungura maong mitawag siya sa MPG og police assistance.
Pag-abot sa MPG gidala silang duha ngadto sa Mabolo police station apan nahibulong siya nganong siya maoy gibilanggo tungod sa paghubog-hubog human siya ipa-liquor test.
"The police should be objective, impartial and unbiased in their investigation," asoy pang Comendador.
Matud pa sa opisyal mas gikinahanglang walay paboran ang usa ka polis kung ang nalambigit iyang paryente,kaila o ba kaha suod nga higala sanglit mawagtang na ang propesyonalismo niini.
Dugang pa sa opisyal susihon pa nila kung unsay posibleng masang-at nga kaso batok sa mga mapamatud-ang sad-an base usab sa resulta sa imbestigasyon.
Miangkon si Comendador nga wa pa siya makakuha sa kumpletong detalye sa gireklamo ug sa nahitabo apan iyang giawhag ang biktima sa pagsang-at og kaso aron iyang iendorsar sa Internal Affairs Service (IAS).