Tulisan sa Mananga mitulis sa tulo

Usa ka notadong tulisan sa dakbayan sa Talisay ang nangigo na usab diin tulo ka tawo ang nabiktima niini niadtong Huwebes sa gabii diha sa Barangay Lawaan III sa maong dakbayan.

Ang mga biktima mao si Misael Reyes 16, anyos, Jane Liarta, 17 ug Christian Armen Navales Lizardo, 26, pulos taga lungsod sa Naga.

Ang mga suspetsado nailhan na sa mga polis nga pulos usab residente diha sa Sitio Mananga, Tabunok.

Ang tulo ka biktima nakuhaan sa ilang Nokia 2300, 3530 ug 3100 nga mga cellphone nga nagkantidad og P4 mil, P2,500 ug P6 mil.

Base sa imbestigasyon sa mga polis nga si Reyes, Liarta ug Lizardo gikan sa Naga nagsakay og PUJ nga dunay rotang Carcar-Tabunok.

Ang mga suspek misakay usab sa PUJ nga gisakyan sa mga biktima ug pag-abot diha sa nahitaboan ang mga suspetsado mideklarar og "hold-up" dayong labni sa cell phone sa tulo.

Human sa maong hitabo kalma kaayong nanglakaw paingon diha sa tulay sa Mananga ang mga suspek.

Kahinumduman nga gibutyag sa mga polis sa siyudad nga si Oros usa sa notadong kawatan sa siyudad kinsa niining bag-o lang ang iyang kauban sa pagpanulis sa usa ka tinun-an sa nursing nga si Alvin Timog napusilan sa mga polis human kini misuway sa pagsukol sa mga misikop kanila.



Namatay si Timog sa maong insidente ug si Oros nagpabilin kini karong nagtago-tago.