Si Gamaliel Vicente Jr. ug Ariel Araw-Araw mipasangil ni Emigdio Enjambre kinsa walay igong rason nga nasuko kining mianha sa ilang buhatan ug nanghagad kanila og sinukmagay.
Si Enjambre uban ni Jerome Candia, staff sa SP nga misulod sa engineering office.
Ang duha ka opisyal mipasangil usab ni Enjambre nga misukmag sa lamesa ni Vicente diin saksi sila si Arnel Bacalso, Joel Watin ug Charlon Domingo mga kawani diha sa engineering office.
Si Enjambre sa pakighinabi niini sa Banat News kagahapon nagkanayon nga nakalitan lang siya ug komedya lang ang iyang paghagad og sinukmagay sa duha.
Gibutyag ni Enjambre nga gikomprontase niya sila si Araw-Araw ug Vicente tungod kay siya maoy gipasanginlang migama sa resolusyon nga batok sa duha.
Ang resolusyon numero 2006-190 misaway sa mga opisyal sa engineering nga wala makapahigayon og insakto sa ilang mga trabaho tungod kay simple lang nga mga guba diha sa city hall wala kini makaayo.
Ang nahisgutang resolusyon gipasar atol sa espesyal nga sesyon niadtong Disyembre 2006 ug si Konsehal Shirley Belleza maoy nagpaluyo niini.
Si Enjambre mipasangil usab ni Araw-Araw ug Vicente nga gusto siyang himuong "escape goat" sa duha.