Ang tindahan nga nabiktima mao ang Persist Enterprises nga gipanag-iya ni Cecile Manulat, usa ka trabahante sa Danao City Hall.
Mokabat sa 63,800 ang nasakiyo sa duha ka wala ilhing kawatan nga gihulagway nga pulos yagpis ang panglawas.
Si Alvin Capuno, 21, ulitawo, katabang ni Manulat sa tindahan ang midangop sa kapolisan ug miasoy ngadto kanila nga ang duha nagpasumangil nga mopalit ug sigarilyo.
Ang usa sa duha ka kawatan mihatag ug usa ka gatos nga kuwarta isip bayad sa ilang gipalit nga segarilyo.
Matud ni Capuno iyang gibutang ang kuwarta sa lamesa kay naniudto niadtong tungora si Manulat.
Dihang nalipat si Capuno ug ang iyang among babaye, gibira dayon sa usa sa kawatan ang hunos diin gibutang ang kuwarta nga halin niadtong Domingo ug pagka buntag sa Lunes.
Si SPO4 Teofilo Deguilmo niingon nga namatikdan sa biktima nga nahanaw ang kuwarta dul-an na sa usa ka oras.
Ang kapolisan padayon pa sa imbestigasyon ug sa pag-ila sa responsabli niini.