Si Calderon uban sa mga dagkong opisyales sa PNP mibisita kagahapon sa Tactical Operations Center aron pagpahibalo sa mga sakop nga preparado na ang Sugbo sa summit.
"Today (gahapon) is the start of the D-day, we have fine tuned our operational details…I'm happy to receive the report that you are well trained and prepared to confront any situation.. let's stop talking about preparations tapos na yun, we will start making Cebu safe for everybody," asoy pang Calderon ngadto sa iyang mga sakop.
Matud pang Calderon ngadto sa mga sakop dako ang papel nga ilang gisalmutan sanglit dili lang ang nia sa Pilipinas ang makabenepisyo kundili lakip na mga Overeas Filipino Workers sa abroad.
Samtang giklaro ni Calderon nga walay hulga sa mga terorista nga nadawat atol sa kalihukan sukwahi sa mga nanggawas nga pahimangno sa nasud sa Canada, UK ug Australia kabahin sa presensya sa mga terorista nga moatake atol unya sa kalihukan.
Niadtong milabay'ng Disyembre duha ka adlaw una pa ang summit mipagawas og advisory ang nasud sa UK, Estados Unidos ug Australia kabahin sa nakuhang impormasyong atakihon ang summit meeting sa Sugbo, giuktaba ang summit ug gibalhin karong bulana apan ang rason sa National Organizing Committee, bagyong Seniang ug di ang mga terorista.
Kagahapon giinspeksyon usab ni Calderon ang mga sakop sa quick reaction force sa Special Action Force nga kumpleto sa ekipo, giinspeksyon usab sa opisyal ang mga sakop sa Philippine Bomb Data Center nga nagdala sa ilang mga kahimanan pag-ila sa mga bomba ug kung kang kinsang grupo ang mihimo niini.