Ang maong mga kahoy gikarga sa usa ka jeep de pasaheroan nga nagtangag sa plakang GVZ-114 nga dunay rotang Minglanilla-Cebu.
Ang drayber ug ang konduktor sa maong sakyanan nga si Kenneth Ebonalo, 19-anyos ug Richard Abarquez, 28, pulos taga Campo 4 temporaryo karong gidetiner diha sa buhatan sa kapolisan sa Poblacion alang sa imbestigasyon.
Si Ebonalo mibutyag sa pakighinabi niini sa Banat News kagahapon sa buntag nga gibayaran siya og P1,000 sa tag-iya sa maong mga kahoy aron iya kining ikarga og ihatod diha sa Bulacao niining dakbayan.
Ang tag-iya sa maong mga kahoy nag-una na diha sa Bulacao ug nagsunod lang sila niini apan demalas tungod kay pag-abot nila diha sa Lagtang nasikop sila sa mga polis.
Ang tag-iya sa nahisgutang mga kahoy giila lang sa mga ngalan nga "Aryong, Sosimo ug Susing" mga residente sa Campo 6.
Si PO1 Engie Piloto sa Talisay kinsa kuyog sa pagpahigayon sa operasyon nagkanayon kagahapon sa Banat News nga usa ka nagpakabanang lumolupyo sa Campo 6 ang mitaho sa kapolisan sa siyudad kabahin sa nahisgutang mga kahoy nga gikatahong ilegal nga gipamutol.
Ang mga polis sa dakbayan pinangulohan ni Inspector Jaime Santillan daling miresponde sa maong taho.
Ang nahisgutang mga kahoy naa karon diha sa police station sa Poblacion.