Ang anaa karon sa emergency room sa Cebu City Medical Center mao si Jojo Mejares, 22, ulitawo residente sa Bless, Alaska, Mambaling ug ang napagan mao si Ronel Portalio, 24, ulitawo traysikad driver ug nagpuyo sa Sitio Nava, Alaska, Mambaling, ning siyudad.
Usa ka lalaki nga nagsul-ob og kalo ug nag-jacket ang gitumbok nga namusil sa duha ka bikitma.
Base sa imbestigasyon ni SPO3 Zenaido Patorfide sa Homicide Section, nasayran ang biktima uban sa laing mga lalaki nagduwa og hantak daplin sa kalsada sa nahisgutang lugar samtang si Portalio nagbarug-barog duol sa gihantakan sa biktima uban sa laing mga lalaki.
Apan kalit lang miabot ang gikatahapan sa nahimutangan sa biktima diha sa maong lugar, dayong ibot sa wala pa matinong kalibre sa armas dayong pusil ngadto sa biktima.
Si Mejares nakaangkon og duha ka samad pinusilan sa iyang liog ug duha sa bukton, samtang si Portalio naigo sa saag nga bala sa walang bahin sa hawak ug maoy nakapugos kaniya sa pagdagan palayo sa maong lugar.
Daling gidala ang duha ka biktima sa CCMC samtang ang gikatahapan dali lang nahanaw sa maong dapit.
Nagtuo ang kapolisan nga atraso ang motibo sa pagpamusil ug ilang gisalikway ang posibilidad nga binuhatan kini sa mga vigilantes nga naglihok dinhi sa dakbayan sa Sugbo.